Saturday , February 27 2021
Breaking News
Home / Foreign News / ඇමරිකාවත් ටික් ටොක් තහනම් කිරීමට යයි

ඇමරිකාවත් ටික් ටොක් තහනම් කිරීමට යයි

 

චීනය විසින් හිමිකාරීත්වය දරණ ටික් ටොක් සහ වී චැට් යන සමාජ මාධ්‍ය ඇප් තහනම් කිරීමට අමෙරිකාව සූදානම් වනවා. 

විදෙස් වාර්තා පැවසුවේ හෙට සිට මෙම තහනම පැනවෙනු ඇති බවයි. ඒ අනුව ජනාධිපති ඩොනල්ඞ් ට‍්‍රම්ප්ගේ පූර්ණ එකගත්වය මත අමෙරිකාව තුළ ටික් ටොක් සහ වී චැට් භාවිතය තහනම් වනු ඇති. එම තහනමත් සමග අමෙරිකානුවන් හට ටික් ටොක් හා වී චැට් යෙදුම් බාගත කිරීමට හෙවත් ඩවුන්ලෝ්ඞ් කිරීම නොහැකි වන අතර ඒවා හරහා පණිවිඩ යැවීම සහ වීඩියෝ බෙදාගැනීමට ද නොහැකි වනවා.

මේ සම්බන්ධයෙන් කරුණු දක්වන ට‍්‍රම්ප් පරිපාලනය පවසන්නේ ටික් ටොක් සහ වී චැට්,  ජාතික ආරක්ෂාවට තර්ජනයක් බවයි. එසේම ඒවා හරහා චීනය වෙතට තොරතුරු ගලා යෑමක් සිදුවන බව ද අමෙරිකාවේ මතයයි. කෙසේවෙතත් මෙම සියලූ චෝදනා චීනය තරයේ ප‍්‍රතික්ෂේප කරන බවයි විදෙස් වාර්තා පැවසුවේ. 

මෙම තහනමත් සමග අමෙරිකානුවන් හට ඉදිරි පැය 48 ක කාලය තුළ සිටම වී චැට් භාවිතය අහිමි වනු ඇති. එහෙත් එළඹෙන නොවැම්බර් 12 වනදා තෙක් ටික් ටොක් භාවිත කිරීමට අමෙරිකානුවන් හට හැකි වනු ඇති බවයි පැවසෙන්නේ.

උපුටා ගැනීම – නෙත් News

16 Views

About slmedia

Check Also

මියන්මාරයේ හමුදා කුමන්ත්‍රණය ආපසු හැරවීමට එක්වන්නැයි ජෝ බයිඩන් ලෝක ප්‍රජාවගෙන් ඉල්ලයි

   මියන්මාරයේ හමුදා කුමන්ත්‍රණය ආපසු හරවා එහි යළි ප්‍රජාතන්ත්‍රවාදය ස්ථාපිත කිරීමට එක්වන්නැයි ඇමරිකානු ජනාධිපති ජෝ …